| |
  Psa 149:1
הללו יה שׁירו ליהוה שׁיר חדשׁ תהלתו בקהל חסידים׃
Psa 149:2
ישׂמח ישׂראל בעשׂיו בני ציון יגילו במלכם׃
Psa 149:3
יהללו שׁמו במחול בתף וכנור יזמרו׃
Psa 149:4
כי רוצה יהוה בעמו יפאר ענוים בישׁועה׃
Psa 149:5
יעלזו חסידים בכבוד ירננו על משׁכבותם׃
Psa 149:6
רוממות אל בגרונם וחרב פיפיות בידם׃
Psa 149:7
לעשׂות נקמה בגוים תוכחת בל אמים׃
Psa 149:8
לאסר מלכיהם בזקים ונכבדיהם בכבלי ברזל׃
Psa 149:9
לעשׂות בהם משׁפט כתוב הדר הוא לכל חסידיו הללו יה׃
СЛЕДУЮЩАЯ ГЛАВА - ИНДЕКС БИБЛИИ И ПОИСК
|
