3:1 өспүрүм Шемуел үйлинин жанында Теңирге кызмат кылып жүрдү. Ал күндөрү Теңир сөзү сейрек болду, көрүнүштөр да көп болгон жок.
3:2 Ошол күндөрү үйли өз ордунда жатканда, мындай окуя болду. Анын көздөрү тунарып көрбөй калган эле.
3:3 Кудайдын чырактаны өчө элек эле, Шемуел Теңирдин ийбадатканасында, Кудайдын келишим сандыгы турган жерде жаткан.
3:4 Теңир Шемуелди чакырды. Ал: «Мына мен!» – деп жооп берди.
3:5 Анан үйлиге чуркап барып: «Мына мен! Сен мени чакырдың», – деди. Бирок ал: «Мен сени чакырган жокмун, кайра барып жат», – деди. Ал барып, кайра ордуна жатты.
3:6 Бирок Теңир Шемуелди дагы чакырды. Ал ордунан туруп, үйлиге экинчи ирет келип: «Мына мен! Сен мени чакырдың», – деди. Бирок ал: «Уулум, мен сени чакырган жокмун, кайра барып жат», – деди.
3:7 Шемуел Теңирдин үнүн тааный элек болчу, Теңирдин сөзү ага ачыла элек эле.
3:8 Теңир Шемуелди үчүнчү жолу чакырды. Ал ордунан туруп, үйлиге келип, мындай деди: «Мына мен! Сен мени чакырдың». өспүрүмдү Теңир чакырганын үйли ошондо түшүндү.
3:9 Ошондо үйли Шемуелге: «Кайра барып жат, сени чакырганда: “Сүйлө, Теңирим, кулуң угуп жатат”, – дегин», – деди. Шемуел өз ордуна барып жатты.
3:10 Анан Теңир келип, турду да, мурдагыдай: «Шемуел, Шемуел!» – деп чакырды. Шемуел: «Сүйлө, Теңирим, кулуң угуп жатат», – деп жооп берди.
3:11 Ошондо Теңир Шемуелге мындай деди: «Мен Ысрайылда бир иш кылам, ал жөнүндө уккандын эки кулагы зыңылдап калат.
3:12 Мен үйлинин тукуму жөнүндө айтканымдын баарын ошол күнү аткарам. Мен баштайм жана бүтүрөм.
3:13 Мен ага: “Уулдарыңдын мыйзамсыз иштерди кылып жатканын көрүп туруп, аларды тыйбаганың үчүн – ушул күнөөң үчүн сенин тукумуңду түбөлүккө жазалайм”, – деп айткам.
3:14 Ошондуктан үйлинин тукумуна ант бергем, үйлинин тукумунун күнөөсү курмандыктар менен да, нан курмандыктары менен да түбөлүккө жуулбайт».
3:15 Шемуел эртең мененкиге чейин жатты, анан Теңир үйүнүн эшиктерин ачты. Шемуел бул көрүнүштү үйлиге айткандан коркту.
3:16 Бирок үйли Шемуелди чакырып, мындай деди: «Шемуел, уулум!» Ал: «Мына мен!» – деп жооп берди.
3:17 үйли ага: «Теңир сага эмне деди? Менден жашырба. Сага айтылгандан бир нерсе жашырсаң, Кудай сени жазалайт, катуу жазалайт», – деди.
3:18 Ошондо Шемуел ага бүт баарын айтып берди, үч нерсе жашырган жок. үйли ошондо мындай деди: «Ал – Теңир. Ал эмнени кааласа, ошону кылат».
3:19 Шемуел өсүп жетилди, Теңир аны менен болду, ага айтылган бир да сөз аткарылбай калган жок.
3:20 Дандан Бейер-Шебага чейинки бүт Ысрайыл эли Шемуелдин Теңирдин пайгамбары болууга татыктуу экенин билди.
3:21 Теңир өзүн Шилодо сөзү аркылуу Шемуелге ачкандан кийин, Шилого келип турду.
