Машайак жөнүндө пайгамбарчылык

15:1 Дөөттүн ыры. Кудай, мени сактай көр, анткени өзүңө таянам.

15:2 Мен Теңирге мындай дедим: «Сен менин Теңиримсиң. Сага менин тартууларымдын кереги жок.

15:3 Мен Сенин жер үстүндөгү ыйыктарыңа, атактууларыңа тартылам».

15:4 Бөлөк кудайга кайрылгандардын кайгысы көбөйсүн. Мен алардын кандуу курмандыктарын чалбайм, алардын ысымдарын оозума албайм.

15:5 Теңир менин элүшүм, менин мурасым. Тагдырым Сенин колуңда.

15:6 Мага жакшы элүш тийди, мурасым өзүмө жагат.

15:7 Мага кеңеш берген Теңиримди даңктайм. Атүгүл, түнкүсүн да жүрөгүм мага акыл эйрөтүп турат.

15:8 Теңирди мен өзүмдүн алдымдан ар дайым көрүп турдум, Ал менин оң жагымда, мен олку-солку болбойм.

15:9 Ошондуктан жүрөгүм кубанычка толуп, тилим шаттуу сүйлөп жатат. Атүгүл, денем да тынч алды.

15:10 Анткени Сен менин жанымды өлгөндөр жаткан жайда калтырбайсың, өз ыйыгыңдын чирүүсүнө жол бербейсиң.

15:11 Сен мага өмүр жолун көрсөтөсүң. Сенин алдыңда – толук кубаныч, оң колуңда – түбөлүк жыргал.

СЛЕДУЮЩАЯ ГЛАВА - ИНДЕКС БИБЛИИ И ПОИСК