Кудайга ыраазычылык билдирүү жана Аны даңктоо

65:1 Ырчылар тобунун башчысына. Ыр. Забур. Бүт жер жүзү, Кудайды даңазала!

65:2 Анын ысымын даңктап ырда, Аны даңкта, макта.

65:3 Кудайга мындай дегиле: «Сенин иштериң кандай коркунучтуу! Сенин күчүң зор, ошондуктан Сага душмандарың багынат.

65:4 Бүт жер жүзү Сага таазим кылып, Сени мактап ырдасын, Сенин ысымыңды даңктап ырдасын».

65:5 Келгиле, Кудайдын иштерин көргүлө, Анын адам баласына кылган иштери коркунучтуу.

65:6 Ал деңизди кургактыкка айлантты. Дарыядан жөө өтүштү. Ошол жерде биз Аны менен кубанганбыз.

65:7 Ал өз кудурети менен түбөлүк бийлик жүргүзөт. Анын көздөрү элдерди карап турат, козголоңчулар көтөрүлүшпөсүн.

65:8 үлдер, биздин Кудайды даңктагыла, Анын даңкын жар салгыла.

65:9 Ал биздин өмүрүбүздү сактап калды, бутубуздун тайышына жол берген жок.

65:10 Кудай, Сен бизди сынадың, бизди күмүштү эриткендей эриттиң.

65:11 Сен бизге тузак тарттың, башыбызга алаамат түшүрдүң.

65:12 Адамдарды башыбызга чыгардың. Биз отко да, сууга да кирдик, анан Сен бизди азаттыкка алып чыктың.

65:13 Мен Сенин үйүңө бүтүндөй өрттөлүүчү курмандыктар менен кирип, Сага берген убадаларымды аткарам.

65:14 Алар менин башыма кыйынчылык түшкөндө, өз оозумдан чыккан, аларды мен өз тилим менен айткам.

65:15 Кочкорлордун майларын өрттөп, мен Сага бүтүндөй өрттөлүүчү курмандык чалам, өгүздөр менен текелерди курмандыкка чалам.

65:16 Кудайдан корккондор, баарыңар келип уккула, Ал менин жаным үчүн эмне кылгандыгын силерге жарыя кылам.

65:17 Мен Аны өз оозум менен чакыргам, Аны өз тилим менен мактагам.

65:18 үгерде мен жүрөгүмдөн мыйзамсыздыкты көргөн болсом, анда Теңир мени укмак эмес.

65:19 Бирок Кудай укту, менин жалынган үнүмө кулак салды.

65:20 Менин сыйынуумду четке какпаган, мени өз ырайымынан ажыратпаган Кудайга алкыш!

СЛЕДУЮЩАЯ ГЛАВА - ИНДЕКС БИБЛИИ И ПОИСК