80:1 Ырчылар тобунун башчысына. Гиттит күү аспабы менен. Асаптын забуру.
80:2 Биздин тирегибиз болгон Кудайга кубаныч менен ырдагыла. Жакыптын Кудайына кубанычтуу эн салгыла!
80:3 Ырдагыла, дапты, мукам эндүү гуслини арфа менен кошо бергиле.
80:4 Ай жаңырганда, белгиленген убакта, биздин майрам күнүбүздө сурнай тарткыла.
80:5 Анткени бул – Ысрайыл үчүн мыйзам, Жакыптын Кудайынын буйругу.
80:6 Кудай бул мыйзамды Жусуп Мисир жеринен чыкканда, ага күбө болсун деп бекитти. Жусуп ал жерде өзү билбеген тилди угуп жүргөн.
80:7 Теңир мындай деди: «Мен андан оор жүктөрдү алып салдым, анын колдору себеттерден бошоду.
80:8 Башыңа кыйынчылык түшкөндө, Мени чакырдың, ошондо Мен сени куткардым. Мен сага добулдун арасынан жооп бердим, сени Мериба суусунун жанында сынадым.
80:9 үлим, ук, Мен сага күбөлөндүрөм. Ысрайыл! Оо, сен Мени уксаң кана!
80:10 Сенде башка кудай болбосун, бөлөк элдин кудайына сыйынба.
80:11 Мен Теңирмин, сени Мисир жеринен алып чыккан Кудайыңмын. Оозуңду чоң ач, Мен аны толтурам».
80:12 Бирок өз элим Менин үнүмдү укпай койду, Ысрайыл Мага моюн сунбай койду.
80:13 Ошондуктан Мен аларды өздөрүнүн көшөргөн жүрөгүнүн эркине койдум, өздөрү каалаган жол менен жүрө беришсин дедим.
80:14 Оо, өз элим Мени укса кана! Ысрайыл Менин жолдорум менен жүрсө кана!
80:15 Анда Мен алардын душмандарын тез эле моюн сундурар элем, колумду аларды куугунтукка алгандарга каршы сунар элем.
80:16 Теңирди жек көргөндөр аларга кошомат кылып турар эле, ал эми алардын жыргал турмушу дайыма улана бермек.
80:17 Мен аларды буудайдын эң жакшысы менен азыктантар элем, тоо балына тойгузар элем.
