King James Bible Adam Clarke Bible Commentary Martin Luther's Writings Wesley's Sermons and Commentary Neurosemantics Audio / Video Bible Evolution Cruncher Creation Science Vincent New Testament Word Studies KJV Audio Bible Family videogames Christian author Godrules.NET Main Page Add to Favorites Godrules.NET Main Page

GREEK AND HEBREW BIBLE - JOSHUA 23
PREVIOUS CHAPTER - NEXT CHAPTER - HELP - GR VIDEOS - GR YOUTUBE - TWITTER - SD1 YOUTUBE    



Jos 23:1
ויהי מימים רבים אחרי אשׁר הניח יהוה לישׂראל מכל איביהם מסביב ויהושׁע זקן בא בימים׃
Jos 23:2
ויקרא יהושׁע לכל ישׂראל לזקניו ולראשׁיו ולשׁפטיו ולשׁטריו ויאמר אלהם אני זקנתי באתי בימים׃
Jos 23:3
ואתם ראיתם את כל אשׁר עשׂה יהוה אלהיכם לכל הגוים האלה מפניכם כי יהוה אלהיכם הוא הנלחם׃
Jos 23:4
ראו הפלתי לכם  את  הגוים  הנשׁארים האלה בנחלה לשׁבטיכם מן הירדן וכל הגוים אשׁר הכרתי והים הגדול מבוא השׁמשׁ׃
Jos 23:5
ויהוה אלהיכם הוא יהדפם מפניכם והורישׁ אתם מלפניכם וירשׁתם את ארצם כאשׁר דבר יהוה אלהיכם׃
Jos 23:6
וחזקתם מאד לשׁמר ולעשׂות את כל הכתוב בספר תורת משׁה לבלתי סור ממנו ימין ושׂמאול׃
Jos 23:7
לבלתי בוא בגוים האלה הנשׁארים האלה אתכם ובשׁם אלהיהם לא תזכירו ולא תשׁביעו ולא תעבדום ולא תשׁתחוו׃
Jos 23:8
כי אם ביהוה אלהיכם תדבקו כאשׁר עשׂיתם עד היום הזה׃
Jos 23:9
ויורשׁ יהוה מפניכם גוים גדלים ועצומים ואתם לא עמד אישׁ בפניכם עד היום הזה׃
Jos 23:10
אישׁ אחד מכם ירדף אלף כי יהוה אלהיכם הוא הנלחם לכם  כאשׁר  דבר׃  
Jos 23:11
ונשׁמרתם מאד לנפשׁתיכם לאהבה את יהוה אלהיכם׃
Jos 23:12
כי אם שׁוב תשׁובו ודבקתם ביתר הגוים האלה הנשׁארים האלה אתכם והתחתנתם בהם  ובאתם  בהם  והם׃
Jos 23:13
ידוע תדעו כי לא יוסיף יהוה אלהיכם להורישׁ את הגוים האלה מלפניכם והיו לכם  לפח  ולמוקשׁ ולשׁטט בצדיכם ולצננים בעיניכם עד אבדכם  מעל  האדמה  הטובה  הזאת  אשׁר  נתן  לכם  יהוה אלהיכם׃
Jos 23:14
והנה אנכי הולך היום בדרך כל הארץ וידעתם בכל לבבכם ובכל נפשׁכם כי לא נפל דבר אחד מכל הדברים הטובים אשׁר דבר יהוה אלהיכם עליכם הכל באו לכם  לא  נפל  ממנו  דבר  אחד׃  
Jos 23:15
והיה כאשׁר בא עליכם כל הדבר הטוב אשׁר דבר יהוה אלהיכם אליכם כן יביא יהוה עליכם את כל הדבר הרע עד השׁמידו אותכם מעל האדמה הטובה הזאת אשׁר נתן לכם  יהוה  אלהיכם׃
Jos 23:16
בעברכם את ברית יהוה אלהיכם אשׁר צוה אתכם והלכתם ועבדתם אלהים אחרים והשׁתחויתם להם וחרה אף יהוה בכם  ואבדתם  מהרה  מעל  הארץ  הטובה  אשׁר  נתן׃  

GOTO NEXT CHAPTER - HEBREW & GREEK INDEX & SEARCH

God Rules.NET
Search 30+ volumes of books at one time. Nave's Topical Bible Search Engine. Easton's Bible Dictionary Search Engine. Systematic Theology Search Engine.