128:1 ś He waiata; he pikitanga. Ka hari nga tangata katoa e wehi ana i a Ihowa: e haere ana i ana ara.

128:2 E kai hoki koe i te mahinga a ou ringa: e hari koe, a ka tau te pai ki a koe.

128:3 E rite tau wahine ki te waina hua, i roto rawa i tou whare: au tamariki ki nga mahuri oriwa, i nga taha o tau tepu.

128:4 Na he pera te manaaki mo te tangata e wehi ana i a Ihowa.

128:5 Ka Manaakitia koe e Ihowa i Hiona; a e kite koe i te pai o Hiruharama i nga ra katoa e ora ai koe.