120:1 ¶ Se yon chante pou yo chante lè y'ap moute lavil Jerizalèm. Lè m' te nan tray, mwen te rele Seyè a, li te reponn mwen.

120:2 Delivre m' non, Seyè, anba moun k'ap bay manti, anba moun k'ap twonpe moun.

120:3 Ipokrit, kisa ou merite Bondye fè ou? Kisa pou l' fè ou an plis?

120:4 Eske se avèk flèch pwenti sòlda yo? Eske se avèk chabon gayak tou limen?

120:5 ¶ Malè pou mwen, paske se tankou si m' te rete nan mitan moun peyi Mechèk, osinon nan mitan moun peyi Keda.

120:6 Mwen rete twò lontan ak yon bann moun ki pa renmen viv ak kè poze!