үлдин ырайым сурап сыйынышы

5:1 Теңир, биздин башыбызга эмне түшкөнүн үсте. Көз кырыңды сал, биздин кордолгонубузду кара.

5:2 Биздин мурасыбыз чоочун элге өттү, үйлөрүбүз бөтөн урууларга өттү.

5:3 Биз атасыз жетим калдык, энелерибиз жесирлердей болуп калышты.

5:4 Биз өзүбүздүн суубузду күмүшкө сатып алып ичип жатабыз, өз отундарыбызды акчага алып жатабыз.

5:5 Мойнубузга моюнтурук салып айдап алышты, биз иштеп жатабыз, бизде эс алуу жок.

5:6 Нанга тоюш үчүн, мисирликтер менен ашурлуктарга колубузду сунуп жатабыз.

5:7 Биздин ата-бабаларыбыз күнөөгө батышкан, азыр алар жок. Алардын мыйзамсыздыктары үчүн биз жазаланып жатабыз.

5:8 Бизге кулдар үстөмдүк кылып жатышат, бизди алардын колунан куткарып алчу үч ким жок.

5:9 өмүрүбүздү кылыч коркунучуна салып, чөлдө өзүбүзгө нан таап жатабыз.

5:10 Жанга баткан ачкачылыктан терибиз мештей карарып кетти.

5:11 Сиондо аялдардын, Жүйүт шаарларында кыздардын абийирин булгап жатышат.

5:12 Төрөлөрдү асышты, аксакалдарды урматташкан жок.

5:13 Уландарды тегирмен таштарын айлантууга алып жатышат, өспүрүмдөр көтөргөн отундарынын оордугунан жыгылып жатышат.

5:14 Аксакалдар дарбаза алдында отурбай калышты, уландар ырдабай калышты.

5:15 Жүрөгүбүз кубанбай калды, ыр-бийлерибиз кайгы-муңга айланды.

5:16 Башыбыздан таажы түштү. Бизге кайгы, анткени биз күнөөгө баттык!

5:17 Мына ошон үчүн жүрөгүбүз кыйналып жатат, ошон үчүн көздөрүбүз тунарды.

5:18 Сион тоосу эүн калгандыктан, түлкүлөр жойлоп жүрөт.

5:19 Сен, Теңир, түбөлүктүүсүң. Сенин тагың укумдан-тукумга турат.

5:20 үмне үчүн бизди таптакыр эсиңден чыгарып салдың? эмне үчүн бизди узак убакытка таштап койдуң?

5:21 Теңир, бизди өзүңө кайры, ошондо биз Сага кайрылабыз. Биздин күндөрүбүздү байыркы күндөрдөгүдөй кылып жаңырт.

5:22 Чын эле, Сен бизди биротоло четке кагып салдыңбы, бизге катуу каардандыңбы?

СЛЕДУЮЩАЯ ГЛАВА - ИНДЕКС БИБЛИИ И ПОИСК