үлипаздын үчүнчү сөзү

22:1 Теймандык элипаз мындай деп жооп берди:

22:2 «Адам Кудайга пайда келтире алмак беле? Акылдуу өзүнө пайда келтирет.

22:3 Сенин адил болгонуңдан кудуреттүү Кудай кандай ырахат алмак эле? өз жолуңду таза сактаганыңдан Ага кандай пайда?

22:4 Ал сенден коркуп кетип, сени менен талашып-тартышмак беле? Сени менен соттошмок беле?

22:5 Чын эле, сенин кыянаттыгың чоң болсо керек, сенин мыйзамсыздыгыңа чек жок болсо керек.

22:6 Чын эле, сен үч нерсе бербей туруп, бир туугандарыңдан күрөө алсаң керек, ач-жылаңачтардын кийимин сыйрып алсаң керек.

22:7 Суусаганга суу бербесең керек, ачкага нан бербесең керек.

22:8 Ал эми алдуу-күчтүүгө жер берсең керек, ал жерге мансабы чоң киши отурукташса керек.

22:9 Жесирлерди үч нерсе бербей кетирсең керек, жетимдерди куру кол калтырсаң керек.

22:10 Ошон үчүн туш тарабыңа тузак коюлду, сени күтүлбөгөн коркунуч басты.

22:11 Же болбосо көзгө сайса көрүнгүс караңгылык каптады, ташкындаган сел астында калдың.

22:12 Кудай асмандан да жогоруда эмеспи! Түү бийиктеги жылдыздарды карачы, алар канчалык бийик!

22:13 Сен болсо: “Кудай эмнени билет? Ал караңгылыктан бизди көрүп, соттой алмак беле?

22:14 Булут – Анын пардасы, ошондуктан Ал үч нерсе көрбөйт, асман мейкиндигинде гана жүрөт”, – дейсиң.

22:15 Сен, чын эле, байыркылардын жолун жолдоп жүрсөң керек. Ал жол менен мыйзамсыз адамдар жүрүшкөн,

22:16 алардын негизинин астын суу каптаганда, алар мезгилсиз кырылышкан.

22:17 Алар Кудайга: “Бизден оолак бол” – дешкен. Алар: “Кудуреттүү Кудай бизге эмне кыла алмак эле?” – дешкен.

22:18 Бирок алардын үйлөрүн Ал мал-мүлккө толтурду. Бирок мыйзамсыздардын кеңеши менден алыс болсун!

22:19 Адилдер көрүп кубанышты, такыбаа адам аларга:

22:20 “Душманыбыз кырылды, алардан эмне калса, ошону от жалмады”, – деп күлдү.

22:21 Кудайга жакында, Аны менен элдеш, ушул аркылуу сага жакшылык келет.

22:22 Анын оозунан чыккан мыйзамды кабыл ал, Анын сөздөрүн көкүрөгүңө түйүп ал.

22:23 үгерде кудуреттүү Кудайга кайрылсаң, анда кайра калыбыңа келесиң, үйүңдү мыйзамсыздыктан арылтасың.

22:24 Алтын сен үчүн топурактай, Опир алтындары суудагы таштардай болуп калат.

22:25 Кудуреттүү Кудай сенин алтының жана жаркыраган күмүшүң болот.

22:26 Ошондо сен кудуреттүү Кудайдан кубаныч аласың, Кудайга башыңды көтөрөсүң.

22:27 Сыйынасың, үнүңдү угат, сен да өз убадаларыңды орундатасың.

22:28 Бир нерсени ниет кыласың, ал ниетиң ишке ашат, жолуңа жарык чачырайт.

22:29 Кимдир бирөө кемсинтилгенде, сен: “Жогору көтөрүлүү”, – дейсиң. Ошондо Ал көңүлү чөккөндү куткарат.

22:30 Ал айыптуу адамды да куткарат. Ал адам сенин колуңдун тазалыгы менен куткарылат».

СЛЕДУЮЩАЯ ГЛАВА - ИНДЕКС БИБЛИИ И ПОИСК