Жетектөөсүн жана коргоосун сурап Кудайга сыйынуу

24:1 Дөөттүн забуру. Теңир, жанымды Сенин алдыңа алып келем.

24:2 Кудайым! Сага таянам, уятка калбайын, душмандарым мага үстөмдүк кылышпасын.

24:3 Сенден эмүттөнгөндөрдүн баары уятка калышпасын. Мага себепсиз жамандык кылгандар уятка калышсын.

24:4 Теңир, мага өз жолуңду көрсөт, өз жолуңда жүргөндү эйрөт.

24:5 Мени өз чындыгыңа багытта, эйрөт, анткени Сен мени куткарган Кудайсың. Ар күнү Сенден эмүттөнөм.

24:6 Теңир, кең пейилдигиңди, кайрымдуулугуңду үсте, анткени алар түбөлүктүү.

24:7 Менин жаш кезде кылган күнөөлөрүм менен кылмыштарымды үстебе. Мени өзүңдүн кең пейилдигиң, ырайымдуулугуң боюнча үсте, Теңир!

24:8 Теңир кең пейил, адилет, ошондуктан Ал күнөөкөрлөрдү түз жолго салат.

24:9 Момундарды чындыкка бурат, момундарга өз жолунда жүргөндү эйрөтөт.

24:10 Теңирдин бардык жолдору – Анын келишими менен мыйзамын сактагандар үчүн ырайым жана чындык.

24:11 өз ысымың үчүн, Теңир, күнөөмдү кечир, анткени менин күнөөм чоң.

24:12 Теңир өзүнөн корккон адамга кайсы жолду тандап алууну көрсөтөт.

24:13 Ал жыргал турмушта жашайт, тукуму жерди мурастап алат.

24:14 Теңирдин жашыруун сыры – Кудайдан корккондорго, Ал өзүнүн келишимин ошолорго жарыялайт.

24:15 Менин көздөрүм дайыма Теңирде, анткени Ал буттарымды тордон чыгарат.

24:16 Мага назар салып, ырайым кыл, анткени мен жалгызмын, кыйналдым.

24:17 Жүрөгүмдөгү кайгы көбөйдү, мени кыйынчылыктан куткар.

24:18 Азап тартып кыйналып жатканыма көңүл бур, бардык күнөөмдү кечире көр.

24:19 Менин душмандарымды кара, алар канчалык көп, алар мени ушунчалык жек көрүшөт.

24:20 Жанымды сакта, мени куткар, мен Сага таянгандыктан, үч уятка калбайм.

24:21 Актыгым менен адилеттигим мени сактап келет, анткени мен өзүңө таянам.

24:22 Кудайым, Ысрайылды бардык кайгысынан куткар.

СЛЕДУЮЩАЯ ГЛАВА - ИНДЕКС БИБЛИИ И ПОИСК