PREVIOUS CHAPTER - NEXT CHAPTER - HELP - GR VIDEOS - GR YOUTUBE - TWITTER - SD1 YOUTUBE    

Hos 10:1
גפן בוקק ישׂראל פרי ישׁוה לו  כרב  לפריו הרבה למזבחות כטוב לארצו היטיבו מצבות׃
Hos 10:2
חלק לבם עתה יאשׁמו הוא יערף מזבחותם ישׁדד מצבותם׃
Hos 10:3
כי עתה יאמרו אין מלך לנו  כי  לא  יראנו את יהוה והמלך מה יעשׂה׃
Hos 10:4
דברו דברים אלות שׁוא כרת ברית ופרח כראשׁ משׁפט על תלמי שׂדי׃
Hos 10:5
לעגלות בית  און  יגורו שׁכן שׁמרון כי אבל  עליו עמו וכמריו עליו יגילו על כבודו כי גלה ממנו׃
Hos 10:6
גם אותו לאשׁור יובל מנחה למלך ירב בשׁנה אפרים יקח ויבושׁ ישׂראל מעצתו׃
Hos 10:7
נדמה שׁמרון מלכה כקצף על פני מים׃
Hos 10:8
ונשׁמדו במות און חטאת ישׂראל קוץ ודרדר יעלה על מזבחותם ואמרו להרים כסונו ולגבעות נפלו עלינו׃
Hos 10:9
מימי הגבעה חטאת ישׂראל שׁם עמדו לא תשׂיגם בגבעה מלחמה על בני עלוה׃
Hos 10:10
באותי ואסרם ואספו עליהם עמים באסרם לשׁתי עינתם׃
Hos 10:11
ואפרים עגלה מלמדה אהבתי לדושׁ ואני עברתי על טוב צוארה ארכיב אפרים יחרושׁ יהודה ישׂדד לו  יעקב׃  
Hos 10:12
זרעו לכם  לצדקה  קצרו לפי חסד נירו לכם  ניר  ועת לדרושׁ את יהוה עד יבוא וירה צדק׃
Hos 10:13
חרשׁתם רשׁע עולתה קצרתם אכלתם פרי כחשׁ כי בטחת בדרכך ברב גבוריך׃
Hos 10:14
וקאם שׁאון בעמך וכל מבצריך יושׁד כשׁד שׁלמן בית  ארבאל  ביום מלחמה אם על בנים רטשׁה׃
Hos 10:15
ככה עשׂה לכם  בית  אל  מפני רעת רעתכם בשׁחר נדמה נדמה מלך ישׂראל׃

GOTO NEXT CHAPTER - HEBREW & GREEK INDEX & SEARCH