PREVIOUS CHAPTER - NEXT CHAPTER - HELP - GR VIDEOS - GR YOUTUBE - TWITTER - SD1 YOUTUBE    

Son 5:1
באתי לגני אחתי כלה אריתי מורי עם בשׂמי אכלתי יערי עם דבשׁי שׁתיתי ייני עם חלבי אכלו רעים שׁתו ושׁכרו דודים׃
Son 5:2
אני ישׁנה ולבי ער קול דודי דופק פתחי לי  אחתי  רעיתי יונתי תמתי שׁראשׁי נמלא טל קוצותי רסיסי לילה׃
Son 5:3
פשׁטתי את כתנתי איככה אלבשׁנה רחצתי את רגלי איככה אטנפם׃
Son 5:4
דודי שׁלח ידו מן החר ומעי המו עליו׃
Son 5:5
קמתי אני לפתח לדודי וידי נטפו מור ואצבעתי מור עבר על כפות המנעול׃
Son 5:6
פתחתי אני לדודי ודודי חמק עבר נפשׁי יצאה בדברו בקשׁתיהו ולא מצאתיהו קראתיו ולא ענני׃
Son 5:7
מצאני השׁמרים הסבבים בעיר הכוני פצעוני נשׂאו את רדידי מעלי שׁמרי החמות׃
Son 5:8
השׁבעתי אתכם בנות ירושׁלם אם תמצאו את דודי מה תגידו לו  שׁחולת  אהבה אני׃
Son 5:9
מה דודך מדוד היפה בנשׁים מה דודך מדוד שׁככה השׁבעתנו׃
Son 5:10
דודי צח ואדום דגול מרבבה׃
Son 5:11
ראשׁו כתם פז קוצותיו תלתלים שׁחרות כעורב׃
Son 5:12
עיניו כיונים על אפיקי מים רחצות בחלב ישׁבות על מלאת׃
Son 5:13
לחיו כערוגת הבשׂם מגדלות מרקחים שׂפתותיו שׁושׁנים נטפות מור עבר׃
Son 5:14
ידיו גלילי זהב ממלאים בתרשׁישׁ מעיו עשׁת שׁן מעלפת ספירים׃
Son 5:15
שׁוקיו עמודי שׁשׁ מיסדים על אדני פז מראהו כלבנון בחור כארזים׃
Son 5:16
חכו ממתקים וכלו מחמדים זה דודי וזה רעי בנות ירושׁלם׃

GOTO NEXT CHAPTER - HEBREW & GREEK INDEX & SEARCH