PREVIOUS CHAPTER - NEXT CHAPTER - HELP - GR VIDEOS - GR YOUTUBE - TWITTER - SD1 YOUTUBE    

Son 8:1
מי יתנך כאח לי  יונק  שׁדי אמי אמצאך בחוץ אשׁקך גם לא יבוזו׃
Son 8:2
אנהגך אביאך אל בית אמי תלמדני אשׁקך מיין הרקח מעסיס רמני׃
Son 8:3
שׂמאלו תחת ראשׁי וימינו תחבקני׃
Son 8:4
השׁבעתי אתכם בנות ירושׁלם מה תעירו ומה תעררו את האהבה עד שׁתחפץ׃
Son 8:5
מי זאת עלה מן המדבר מתרפקת על דודה תחת התפוח עוררתיך שׁמה חבלתך אמך שׁמה חבלה ילדתך׃
Son 8:6
שׂימני כחותם על לבך כחותם על זרועך כי עזה כמות אהבה קשׁה כשׁאול קנאה רשׁפיה רשׁפי אשׁ שׁלהבתיה׃
Son 8:7
מים רבים לא יוכלו לכבות את האהבה ונהרות לא ישׁטפוה אם יתן אישׁ את כל הון ביתו באהבה בוז יבוזו׃
Son 8:8
אחות לנו  קטנה  ושׁדים אין לה  מה  נעשׂה לאחתנו ביום שׁידבר׃
Son 8:9
אם חומה היא נבנה עליה טירת כסף ואם דלת היא נצור עליה לוח ארז׃
Son 8:10
אני חומה ושׁדי כמגדלות אז הייתי בעיניו כמוצאת שׁלום׃
Son 8:11
כרם היה לשׁלמה בבעל  המון  נתן את הכרם לנטרים אישׁ יבא בפריו אלף כסף׃
Son 8:12
כרמי שׁלי  לפני  האלף לך  שׁלמה  ומאתים לנטרים את פריו׃
Son 8:13
היושׁבת בגנים חברים מקשׁיבים לקולך השׁמיעיני׃
Son 8:14
ברח דודי ודמה לך  לצבי  או  לעפר האילים על הרי בשׂמים׃

GOTO NEXT CHAPTER - HEBREW & GREEK INDEX & SEARCH